Sjúklingar og avvarðandi kannast fyri korona innan fráferð úr Føroyum

Sjúkrahúsverk Føroya: Frá 1. august skulu allir sjúklingar og avvarðandi, sum skulu búgva á Sjúklingahotellinum Tórshavn í Keypmannahavn kannast fyri Covid-19 innan fráferð úr Føroyum.

Sama er galdandi fyri tey, har útlendska sjúkrahúsið krevur potan áðrenn komu.

Uttanlandstænastan á Landssjúkrahúsinum samskipar og setir seg í samband við tey, sum ikki eru bókað til potan í august og fram.

Hesi fara at fáa svar frá einum av teimum trimum sjúkrahúsunum innan fráferð.