Sjúkrahúsið ampa av heimleysum

Bæði gjáramorgunin og aftur í morgun varð løgreglan boðsend at koma á Landssjúkrahúsið at taka sær av einum fullum fólki, sum var til ampa, tí viðkomandi ikki vildi fara av staðnum eftir at vera biðin um tað.

Politiið fór á staðið fyri at vísa persóninum burtur.

Og fyri at tað ikki skal vera lygn, so var ein líknandi tilburður eisini í gjárkvøldið nakað fyri midnátt, har ein persónur ikki vildi fara av staðnum eftir at hava fingið viðgerð á skaðastovuni.

Vaktleiðarin á politistøðini vil ikki siga um talan eisini hesaferð var um sama persón, men sigur, at Landssjúkrahúsið javnan hevur trupulleikum av fullum fólki – helst eru tey heimleys – sum ikki vilja fara av sjúkrahúsinum aftur. Hetsin trupulleiki er serliga galdandi, tá veðrið er keðiligt, leggur vaktleiðarin afturat.

Ein líknandi tilburður var á Oyrarbakka í gjárkvøldið. Tá var tað ein bussførari, sum bað løgregluna um hjálp fyri at fáa ein druknan persón úr bussinum. Helst hevur viðkomandi verið sovnaður og noktaði at fara út.