Skálanevndin hevur uppstillingarfund í kvøld

Kommunuvalið nærkast, og kring landið hava ymisku flokkarnir og feløgini uppstillingarfundir. 

Ein uppstillingarfundur til verður í kvøld, týsdagin 22. september kl.19.00, í skúlanum á Skála. Hann er til  Skálanevndina, ið hevur til endamáls at taka sær av áhugamálum á Skála og Skálafirði fyri at tryggja fólki á staðnum ummælisrætt í málum, sum viðvíkja staðbundnum viðurskiftum.

Runavíkar kommuna skrivar, at í nevndini sita fimm limir. Harav verða tríggir valdir av og millum borgarar á Skála og Skálafirði eftir kommunalu vallógini. Hinir báðir limirnir eru borgarstjórin og ein býráðslimur.

Seinasta val vóru sjey valevni til staðbundnu nevndina.