Skuldsettur fyri at hava hassj uppiá sær

G! Festivalur er í Syðrugøtu hetta vikuskiftið, men har hevur sum heild verið friðarligt seinasta samdøgrið.

Løgreglan hevur brúkt eitt sindur av tíð við at hjálpa fólkum, sum høvdu fingið ov nógv niðurum, og eisini hava fleiri ringt til løgregluna um bilførarar, sum hava parkerað bilin ófantaligt, men einki mál er skrivað.

Í Runavík varð ein ungur maður tó skuldsettur fyri brot á lógina um rúsevni.

Tá bilur hansara varð steðgaður og kannaður, fann løgreglan hassj og hassjmiks. Eisini vóru nøkur ung fólk, sum vóru yngri enn 18 ár til staðar. Tey høvdu ikki rúsevni uppiá sær, men løgreglan skrivar kortini eina sosialrapport, sigur vaktleiðarin á løgreglustøðini í Havn.