Skuldsettur fyri at skjóta við høglbyrsu

Ein persónur hevur fingið bót fyri at skjóta millum hús í einari bygd í Suðuroynni.

Tað var seinnapartin í gjár, at løgreglan fekk eina fráboðan, um at onkur hevði skotið við høglbyrsu millum hús.

Eingin vandi var á ferð, tí skotið varð niður í ein bakka, men tað skapti eitt sindur av ótta, sigur vaktleiðarin á løgreglustøðini í Havn, sum leggur afturat, at viðkomandi var rúsdrekkaávirkaður.

Viðkomandi varð skuldsettur fyri brot á skilhaldsreglurnar og fær eina bót fyri tað.