Skulu eisini gjalda fyri koronukanning við komu komandi mánaðirnar

Fíggjarmálaráðið hevur ynski um leingja kravið um gjald fyri koronukanning við komu til Føroyar til 1. januar 2022, men Fíggjarnevndin vil, at kravið um tær 312 krónurnar bara skal vera galdandi til 1. september.

Hetta skrivar Kringvarpið.

Í Fíggjarnevnd løgtingsins er semja um, at øll skulu gjalda komandi mánaðirnar. 

Verandi lóg um júst hetta fer úr gildi, tá hesin mánaðin er av, men nú er greitt, at hon verður longd í nakrar mánaðir.