Agnar Prestá
Landsstýrismaðurin fer at senda formliga fráboðan til ES-kommissjónina um, at Føroyar vilja hava atlimaskap í útbúgvingarsamstarvinum Erasmus+. Rektarin á Fróðskaparsetri Føroyar er sera nøgdur við, at hetta neyðuga stigið nú verður tikið.
Hetta skrivar setur.fo í dag. Landsstýrismaðurin fer eisini at skipa eina Erasmus+-tjóðarskrivstovu, sum skal halda til í Undirvísingarstýrinum
- Erasmus+ er europeiska útbúgvingarskráin, sum hevur til endamáls at fremja samstarv millum hægri útbúgvingarstovnar í ES-londunum og øðrum londum í samstarvinum, og mangir ágóðar fylgja við. M.a. fáa lesandi stuðul til skiftislestur hvør hjá øðrum, og granskarar hava somuleiðis stórar fyrimunir - eisini fíggjarligar - av samstarvinum í Erasmus+.
Tað er nakað sum Martin Tvede Zachariasen, rektari á Fróðskaparsetri Føroya er sera fegin um.
- Ja, eg fegnist um, at stig fram móti Eramus+ nú av álvara verða tikin. Hetta fær stóran týdning fyri bæði lesandi og granskarar í Føroyum, og vit kunnu eisini fáa stórt fíggjarligt gagn av samstarvinum. Við størri fíggjarligari megi til til dømis skiftislestur uttanlands, kann Setrið eisini í størri mun enn nú nøkta útlongsilin, sum í løtuni dregur so mong ung av landinum at lesa, sigur rektarin.
Vantandi limaskapur er eisini ein forðing á ymiskum økjum.
Til ber at lesa tíðindaskrivi hjá Barna-og Útbúgvingarmálaráðið um Erasmus+ HER
Vinarliga broyt tínar kennifíla - og privatlívsstillingar fyri at síggja hetta innihald