Slaktið verður 13. september

Leygardagin 13. september  verður enn einaferð bjóðað til Slaktið á Vaglinum í Havn.

Talan er um eitt ókeypis familjutiltak, har kokkar gera fantastiskan mat, sum øll sleppa at smakka, og víst verður, hvussu kjøtið kemur frá djóri til borð. Tað merkir eisini, at djór verða flett á staðnum – við virðiligari framferð og við tí endamáli, at børnini síggja og læra, hvussu maturin vit eta, verður til, skriva fyriskiparar í tíðindaskrivi.

– Vit vilja geva bæði børnum og vaksnum eina uppliving, sum tey taka við sær víðari – eitt sindur av vitan, eitt sindur av takksemi og eina góða smaksuppliving. Tað kann vera, at hetta er byrjanin til okkara komandi Michelinkokkar.