Smádreingir fingu sýru í seg

Bæði sjúkrabilar og tyrla vórðu send til eina bygd í Eysturoynni í gjár, tá fráboðan kom á 112 um, at tveir smádreingir undir skúlaaldur høvdu fingið sterkan løg niður í seg.

Sum skilst hava dreingirnir verið freistaðir av eini fløsku, har innihaldið líktist leskidrykki, men talan var um meyrusýru.

Støðan var álvarslig, dreingirnir vórðu í skundi fluttir til Landssjúkrahúsið til viðgerðar.

Vakthavandi á løgreglustøðini veit í morgun ikki hvussu støðan hjá dreingjunum er.