Smyril siglir aftur við fýra motorum - men noyðist at avlýsa tveir túrar mikudagin

Smyril sigldi við trimum motorum í gjár, mánadagin 29. juni, og tí boðaði Strandferðslan frá møguligum seinkingum.

Men arbeiði á kølivatnsskipanina umborð er nú liðugt, og Smyril siglir aftur við øllum fýra motorunum í dag.

Í morgin verða tveir av túrunum í ferðaætlanini tó ikki sigldir

Orsøkin er eftirlit á eldávaringarskipanina.

- Vegna eftirlit á eldávaringarskipanina umborð á Smyril verða hesir túrar ikki sigldir mikudagin 1. juli: Kl. 08.45 av Havnini og kl. 11:30 av Krambatanga

Hetta skrivar ssl.fo, sum eisini kunnar um, at man harvið kann bóka nýggja ferð ella broyta bíleggingina á heimasíðuni.

Harvið verða fýra túrar um Suðuroyarfjørð í morgin heldur enn seks.