Smyril siglir ikki aftur fyrrenn klokkan 16

Smyril fór sum ætlað av Tvøroyri klokkan 06.00 í morgun, men skal skjótt liggja á Havnini til klokkan 16.00.

Fráferðirnar av Havnini klokkan 08.45 og av Krambatanga klokkan 11.30 verða ikki sigldar mikudagin 16. september.

Hesum boðar Strandferðslan frá á heimasíðu sínari.

Orsøkin er, at MES-støðirnar á Smyrli verða dagførdar, og tað kostar nakrar túrar í dag.

Sí ferðaætlanina her

Arbeiði skal eftir ætlan halda fram í eina viku afturat - næsta mikudag verður túratalið eisini fýra. Túrarnir somu klokkutíðir verða avlýstir.

Í sambandi við at MES-støðirnar verða dagførdar, er ferðafólkatalið á Smyrli avmarkað í hesum tíðarskeiðinum, so at skipið bert hevur loyvi at taka 500 ferðandi.