Stak friðarlig nátt

Í gjárkvøldið vóru nógv savnað til James Blunt konsert og dans í Høllini á Hálsi í Havn, og í hesum sambandi hevur fitt av fólki verið í býnum.

Kortini hevur náttin verið stak friðarlig, sigur løgreglan í morgun.

Har hava verið nakrar smærri ósemjur millum fólk, men einasta málið, sum løgreglan hevur skrásett í nátt var eitt mál um rúsdrekkakoyring.

Talan var um ein bilførara í Norðurøkinum, sum koyrdi ávirkaður av rúsdrekka. Talan var tó ikki um nakra alarmerandi høga promillu, sigur vaktleiðarin á politistøðini.