Standa fyri lívi á Vaglinum sunnudagin

Aftur í ár verður skipað fyri tiltakinum Standa fyri lívi á Vaglinum í Tórshavn. Tiltakið verður sunnudagin 24. august klokkan 16, og fyrireikararnir vóna, at fólk í øllum aldri møta fjølment. 

Á skránni verður talur og solosangur. Teknmálstulkur verður. 15 minuttir áðrenn tiltakið byrjar, verður hitað upp við felagssangi, og børnini fáa bjóða ballónir og andlitsmáling. Tiltakið endar klokkan 17 við kaffi og onkrum søtum aftur við. Alt er ókeypis.

Stigtakarar eru Standa fyri Lívi og Føroya Provita.