Steðgaðu allari tilmelding til kvøldskúlan

Tað var í kvøld klokkan 18, at tilmeldingin til væl umtókta kvøldskúlan í Tórshavnar kommunu skuldi byrjað. Men vegna tekniskt brek er tilmeldingin útsett í nakrar dagar, boðar høvuðsstaðarkommunan frá.

Gjaldsveitarin hjá Kvøldskúlanum hevði avbjóðingar við Mastercard, tá ið fólk skuldu rinda fyri skeiðini ígjøgnum skipanina í kvøld. Hini gjaldskortini riggaðu fínt.

Fyri at eingin skuldi fáa nakran framíhjárætt, varð avgerð tikin um at steðga allari tilmelding og útseta hana nakrar dagar, til brekið er rættað.