Støða skal takast til nýtt røktarheim

Býráðið í Tórshavnar kommunu skal í kvøld taka støðu til eitt tilmæli um at staðseta nýtt røktarheim við røktaríbúðum á økinum á Stórubrekku.

Talan er um nýtt røktarheim við 64 búplássum og 16 atknýttum røktaríbúðum, skrivar kommunan á heimasíðu sínari

- Fyrireikandi arbeiðið er farið í gongd. Hetta er ein stór verkætlan, og sum støðan er við vaksandi tali av eldri borgarum og minkandi arbeiðsmegi, er neyðugt at hugsa nýtt, tá bygt verður.

Heilsu- og eldranevndin og fíggjarnevndin taka undir við málinum, skrivar torshavn.fo.