Støðan hjá teimum innløgdu er eftir umstøðunum góð

Í gjár gjørdist greitt, at tveir føroyingar við koronasmittuna vóru innlagdir. 

Les eisini: Tveir føroyingar innlagdir við koronasmittu

Til tað hevur Landssjúkrahúsið eina deild, har tað sambært kvf.fo fyribils eru sjey einastovur.

Tummas í Garði,  varastjóri í Sjúkrahúsverki Føroya, segði í Dag & viku í gjárkvøldið, at støðan hjá sjúklingunum er eftir umstøðunum góð.

Tað er hon framvegis í dag. Talan er ikki um nakra kritiska støðu, men sjúklingarnir, ið er síðst í trítatiárinum og í fýrsunum, hava tørv á viðgerð á sjúkrahúsinum.

Tað gekk næstan ein mánaði frá fyrsta koronatilburðinum í Føroyum, til nakar var innlagdur orsaka av virusinum. Landssjúkrahúsið hevur seinastu tíðina brynjað seg til støðuna.