Stór politiaktión í Danmark: Leita eftir trimum persónum í svørtum Volvo

Stór politiaktión er í løtuni á Sjællandi í Danmark, og leitað verður eftir í øllum førum einum farligum gerningsmanni.

Løgreglan eftirlýsir ein svartan Volvo V90 við nummarpátini ZBP 546. Í bilinum eru væntandi tríggir persónar, sum verða settir í sambandi við alvorligan kriminalitet.

Dr.dk skrivar, at Volvo-bilurin er skrásettur í Svørríki.

Sambært Danmarks Radio er danska fregnartænastan PET og danska verjan eisini eru við í stóru politiaktiónini.

Brúgvar vóru stongdar og ferjur vóru lagdar fyrr í dag, og somuleiðis hevur tokferðslan hjá DSB verið steðgað í sambandi við hetta.

Nú koyrir ferðslan aftur í fleiri støðum.