Uttanlands

Størsta floghavnin í Evropa: Ein afturgongd á 97 prosent í apríl

Í apríl ferðaðust 200.000 ferðafólk umvegis Heathrow Airport í London – Hetta er sama tal, sum floghavnin tók ímóti dagliga áðrenn korona

Heathrow floghavnin í London (Savnsmynd)

2020-05-11 09:14

Alda Nielsdóttir

Koronakreppan gongur hart útyvir ferðavinnuna. Tað sæst serliga aftur hjá Heathrow Airport í London.

Í apríl ferðaðust bert 200.000 ferðafólk umvegis floghavnina, sum eisini er tann størsta í Evropa.

Áðrenn koronasmittan herjaði, kundi floghavnin taka ímóti 200.000 ferðafólkum um dagin.

Sambært miðlinum Evening Standard svarar hetta til eina afturgongd á 97 prosent. Tó ferðaðust 1.788 flutningsflogfør við verndarútgerð eisini umvegis Heathrow í hesum tíðarskeiðnum.

Vinarliga broyt tínar kennifíla - og privatlívsstillingar fyri at síggja hetta innihald