Sveis: Øll tey deyðu eru nú eyðmerkt

Øll 40 fólkini, sum doyðu í aldrsbrunanum á barrini Le Constellation í sveisiska býnum Crans-Montana eru nú eyðmerkt.

Tað framgongur í tíðindaskrivi frá sveisisku løgregluni sambært Ritzau.

Meginparturin av teimum deyðu eru úr Sveis, Fraklandi og Italia. Nógv av teimum eru ung fólk, og summi eru eisini undir 18 ár.

Umframt at 40 fólk lótu lív, vórðu 119 fólk særd.

Stjórnin í Sveis segði sunnudagin at 35 sjúklingar vórðu fluttir úr Sveis til serligar heilsumiðstøðir í Belgia, Fraklandi, Týsklandi og Italia.

Fríggjadagin verður almennur sorgardagur í Sveis. Kirkjuklokkur ringja um alt landið, og tað verður tøgn í ein minutt.

Fyribils kanningar geva ábendingar um, at tað var innandurafýrverk, sum var orsøkin til, at eldurin kyknaði í barrini. Stjórarnar eru nú skuldsettir fyri m.a. óviljað manndráp og óviljað eldásetan.