Svimjihylurin á Tvøroyri steingir fyri at fyribyrgja smittuvanda

Orsakað av, at korona aftur ger um seg í Føroyum, hevur Tvøroyrar kommuna avgjørt at steingja svimjihylin fyribils.

Hetta skrivar kommunan á heimasíðu sínari.

Gjørt verður greitt, at eingin koronasmitta er staðfest í svimjihylinum, men henda avgerð er tikin fyri at fyribyrgja smittuvandan sum kann vera millum vitjandi í svimjihylinum.

Svimjihylurin er latin aftur til 1. september.