Uttanlands

Svøríki: Talið á skrásettum tilburðum nærkast 75.000

Í Svøríki hava fleiri kvinnur enn menn fingið staðfest koronasmittuna, men millum andlátini teljast fleiri menn enn kvinnur

(Savnsmynd)

(Savnsmynd)

2020-07-08 16:50 Author image
Alda Nielsdóttir
placeholder

Talið á skrásettum smittutilburðum í Svøríki er økt við 514 seinasta samdøgrið. Sostatt er talið komið upp á 73.858.

Í hesum tíðarskeiðnum er talið á andlátum í sambandi við koronasmittuni eisini økt við 35. Hetta merkir, at samlaða talið á skrásettum andlátum í Svøríki nú er 5.482, upplýsir svenska heilsumálaráðið í dag.

Talan er um eitt munandi hægri tal í dag í mun til mánadagin og týsdagin, har Svøríki skrásetti ávikavíst 13 og 14 andlát.

Sambært Ritzau er meginpartuin av teimum, ið hava fingið staðfest koronasmittuna í Svøríki, kvinnur, meðan meginparturin av teimum, ið eru deyð, eru menn.

Talið er býtt soleiðis:

Kvinnur: 43.367 smittað, 2.479 deyð

Menn: 30.491 smittað, 3.003 deyð

placeholder
placeholder