Í næstum fáa fólkapensjónistar norðan fyri Fjall í Norðoyggjum ein tænastudepil á Viðareiði við dagtilhaldi og venjingarmiðstøð..
Hóskvøldið verður skipað fyri almennum kunningarátaki á skúlanum á Viðareiði, har greitt verður frá ætlanini.
Hetta kvøldið verður kunnað um nýggja tænastudepilin, og høvi verður at síggja venjingarumstøðurnar.
Eftir at Marita Sumberg, borgarstjóri á Viðareiði, hevur boðið vælkomin, fer Marna E. Jensen, stjóri fyri Norðoya Bú- og Heimatænastu, og Svend Sivertsen, arkitektur frá FuglArk, at kunna um tænastudepilin, og Hedevig Matras, deildarleiðari fyri fysio- og ergoterapieindina, fer at kunna um venjingartilboði.
Eisini fer Margretha í Buð, limur í Eldraráðnum, at hava nakrar hugleiðingar og Olvheðin Jacobsen fer at syngja.
Vinarliga broyt tínar kennifíla - og privatlívsstillingar fyri at síggja hetta innihald