Tey fyrstu nýggju stríðsflogførini koma til Danmarkar í morgin

Tey skuldu koma fyrr í ár, men í morgin seta tey seg so á danskari jørð. Fýra tey fyrstu F-35 flogførini, sum Fólkatingið fyri sjey árum síðani bílegði.

Sambært serfrøðingum og verjuni fara hesi at lyfta danska herin upp á eitt heilt nýtt stig. Tey geva millum annað flogskiparanum nógv betri útsýni.

Tað er stóra amerikanska fyritøkan Lockheed Martin, ið framleiðir stríðsflogførini. Tey eru ikki heilt bílig - prísurin fyri hesi fyrstu verður tó ikki beinleiðis upplýstur. 

Heimasíðan hjá TV2 skrivar, at tað er tíðliga seinnapartin í morgin, at fýra F-35 flogfør seta seg á Skrydstrup flostøðini í Suðurjútlandi. 

"Næsti pakkin" kemur á heysti í 2024. Eftir ætlan skulu samanlagt 27 slík flogfør vera í danska herinum í 2027. Harvið avloysa tey gomlu F-16 stríðsflogførini.