Tíðindaskriv
Fríggjakvøldið 30. mai verður forkunnug vitjan á mentanarnáttini á Tvøroyri. Signar í Homrum, Fríði Sigmundsson, Ólavur á Váli Olsen og Eyðun Nolsøe saman við einum væl trimmaðum húsaorkestri við Høgna Fagraberg (gittar), John Johansen (bass), Magna Husgaard (tangentar) iog Henning Hjalt Nicodemussen (trummur), fara á pall at heiðra Kim Larsen, sála.
‘This Is My Life’-tiltakið fór av bakkastokki fyrstu ferð í mars í 2023 í Dansifrøi í Havn, og hevur verið útselt trý ár á rað. Nú kunnu vælkendu og -elskaðu klassikararnir hjá Kim Larsen og Gasolin upplivast fyri seinastu ferð við fýra av okkara fremstu trubadurum. Lagt er upp til eitt ordans brak av einum syng-við-konsert-dansi-kvøldi.
Fulfíggjaða skráin fyri alla mentanarnáttina verður borin út til øll hús í Suðuroynni í vikuni undan sjálvum kvøldinum.
Vinarliga broyt tínar kennifíla - og privatlívsstillingar fyri at síggja hetta innihald