Jógvan Jákupsson
Í gjár og í dag hava sonevndar yvirskipaðar samráðingar verið millum Javnaðarflokkin, Sambandsflokkin og Framsókn um møguliga at skipa landsstýrissamgongu. Aksel V. Johannesen er samráðingarleiðari. Hann sigur, at fæst semja um nøkur yvirskipað mál, so ber til at fara í meiri ítøkiligar samráðingar.
Higartil hevur mann tosað um 13 høvuðsmál, sum mann hevur roynt at fáa semju um. Vit tosaðu við Aksel V. Johannesen fyri løtu síðan, og tá vildi hann ikki siga, hvat ið stóra ósemjan snúði seg um.
Klokkan 18 tosaði Kringvarpið við Aksel V. Johannesen. Tá varð spurt, um ósemjan snúði seg um tilfeingisgjald frá fiski- og alivinnuni, sum ósemja hevur verið um í valstríðnum. Tað avsannaði Aksel V. Johannesen. Semja er fingin um tilfeingisgjald, men ósemja er um okkurt annað.
Eftir ein lítlan steðg eru flokkarnir farnir inn aftur í fundarhølið í Løgtinginum, har samráðingarnar hava verið. Teir fara væntandi at halda fram ein løtu afturat.
-
Aksel V. Johannesen vil ikki siga, hvat flokkarnir í løtuni eru ósamdir um, men hann hevur sagt, at ósemjan ikki snýr seg um tilfeingisgjald frá fiski- og alivinnuni. (Mynd: Sverri Egholm)
Vinarliga broyt tínar kennifíla - og privatlívsstillingar fyri at síggja hetta innihald