Tjaldingarøkið letur upp seinnapartin

Nú nærkast av álvara til ársins G! festivalur fer í gongd. Seinnapartin byrjar so smátt í Norðragøtu, har tjaldingarøkið letur upp klokkan 16.

Seinastu dagarnar hava tey stákast óført í Syðrugøtu at seta pallar, telt og básar upp, soleiðis at klárt verður til hugnaliga festivalin.

Tað verður Benjamin Rajani, sum byrjar ballið hósdagin, og tað verður á Spæliplássinum klokkan 17.

Veðurstovurnar vilja vera við, at tað verður turt í morgin, men bæði fríggjadagin og leygardagin verður boðað frá nakað av avfalli.