Torbjørn Jacobsen heldur fram sum borgarstjóri

Tað verður aftur Torbjørn Jacobsen sum fer at røkja borgarstjórasessin í Runavíkar kommunu  næstu fýra árini.

Hetta samtykti eitt einmælt býráð í kvøld.

Kaja Joensen, sum var næstvald, er vald sum varaborgarstjóri.

Torbjørn Jacobsen fekk 461 atkvøður og Kaja Joensen fekk 132 atkvøður á valinum týsdagin.

Lagt verður upp til breitt samstarv millum allar tríggjar listarnar í triðstørstu kommunu í landinum.

- Tað er eitt kollektivt stýri við ellivu býráðslimum, sum nú fer undir at røkja kommununa hjá borgarunum okkara næstu fýra árini, segði hann við útvarpið í kvøld.