Tórshavnar kommuna: 6. – 9. flokkarnir og Nám X byrja mánadagin

Undirvísingarstýrið boðaði í gjár frá, at skúlabyrjanin í teimum stóru skúlunum í Havn verður broytt. Hetta er grundað á, at smittutrýstið í Havn er høgt í løtuni, og tey vilja vita, hvussu gongdin verður hesa vikuna.

Tískil varð skúlabyrjanin broytt soleiðis, at 2. - 5. flokkur møttu í morgun kl. 10, og fyrsti flokkur møtti saman við foreldrum í Skúlahøllini í Eysturskúlanum í morgun.

Næmingarnir í serflokkinum í Hoydølum møttu saman við foreldrum og avvarðandi í morgun í Hoydølum, meðan 6. - 9. flokkarnir møta mánadagin 24. august kl. 8.

Nám X møtir somuleiðis ikki fyrrenn mánadagin 24. august. Nærri kunning um nær tey skulu møta kemur seinni.