Tórshavnar kommuna: Bulur innilokað fyrstu húsini á Berjabrekku 3

Tað var sitandi borgarstjóri, Annika Olsen, ið sum landsstýriskvinna í almennamálum stakk ein nýggjan bústaðapolitikk út í kortið, sum m.a. gav Bústøðum heimild at byggja leiguíbúðir, sum tryggjaðu øllum ein virðiligan bústað.

Henda verkætlanin er eitt samstarv millum byggifyritøkuna Bul, Tórshavnar kommunu, Sinnisbata, Palla Gregoriussen, arkitekt, og Bústaðir.

Talan verður um 38 nýggj hús/íbúðir, har tað verða fýra ymisk íbúðarsnið. Byggingin kemur at minna um væleydnaðu byggingina á Óðinshædd, sum Bulur eisini hevur staðið fyri.

Byggiverkætlanin hjá Buli fevnir um trý byggistig, har 12 íbúðir verða í fyrsta byggistigi, 16 í øðrum og 10 í triðja og seinasta. Fyrstu 12 íbúðirnar eru tær hjá Sinnisbata.