Tórshavnar kommuna: Ov nógvar bakteriur har fólk dyppa

Tórshavnar kommuna ger regluligar sýnistøkur av vatninum, har fólk í kommununi svimja og dyppa, og kanningar frá hósdegnum 7. august eftir at tað hevði regnað sera illa og nógv áarføri var, vístu at ov nógvar bakteriur vóru funnar á flestu støðunum har fólk dyppa.

Kommunan vil tí heita á borgararnar um at hyggja eftir vatninum, áðrenn farið verður útí.

Heitt verður á fólk um ikki at fara útí, um:

• Vatnið er sera óklárt
  
• Nógv skúm er omaná vatnskorpuni
  
• Nógvur ælingur hevur verið seinastu 24 tímarnar
  

Tórshavnar kommuna ger kanningar aftur í næstu viku, og úrslitini verða løgd út á heimasíðuna hjá kommununi.