Tríggir bilar stoyttu saman

Tíbetur var lítil og eingin persónsskaði tá tríggir bilar vóru í harmonikusamanstoyti um níggju tíðina í gjár.

Fremsti bilurin bremsaði av einari ella aðrari orsøk, og mittasti bilurin bremsar. Men aftasti bilurin kláraði ikki at bremsa og rendi í mittasta bilin, sum so stoytti í fremsta bilin.

Vaktleiðarin á løgreglustøðini í morgun sigur, at orsøkin var helst niðurslitin dekk á aftasta bilinum, og bilførarin verður skuldsettur fyri tað. Eisini fær hann klipp í koyrikortið.

Bilarnir fóru illa. Tveir teirra máttu flytast av staðnum.