Tríggir koyrdu ov skjótt á Fuglafjarðarvegnum

Løgreglan gjørdi í gjárkvøldið um nátturða tíð ferðmátingar á Fuglafjarðarvegnum við Norðragøtu.

Trý mál vórðu skrivað. Tveir bilførarar í persónbili koyrdu 106 og 108 km/t í 80 km/t øki. Tað fáa teir bót fyri.

Ein lastbilaførari hevði heldur tungan fór og varð tikin fyri at koyra 89 km/t. Lastbilar sleppa bara at koyra 70 km/t, og tískil fær lastbilaførarin eitt klipp í koyrikortið.