Innanlands

Tríggir nýggir tilburðir

35 persónar eru smittaðir í løtuni, og 228 eru í sóttarhaldi

(Savnsmynd)

(Savnsmynd)

2020-09-29 12:39 Author image
Alda Nielsdóttir
placeholder

Aftaná tveir dagar uttan nýggjar tilburðir, vórðu tríggir tilburðir aftur staðfestir í gjár, vísa nýggjastu tølini hjá Landslæknanum.

Tey smittaðu eru avbyrgd, og Landslæknin er í gongd við smittusporingina, skrivar Heilsumálaráðið.

Í gjár vórðu 1.060 kanningar gjørdar, og allar kanningarnar eru liðugt greinaðar. Tilsamans eru 129.038 kanningar nú gjørdar í Føroyum.

Tilsamans hava 463 persónar nú fingið staðfest smittuna í Føroyum, av teimum eru 428 persónar staðfestir frískir aftur, og sostatt eru 35 persónar smittaðir í løtuni.

Í løtuni er eingin koronasjúklingur innlagdur. 228 persónar eru í sóttarhaldi.

placeholder
placeholder