Trom-upptøkur avmarka ferðsluna á Landavegnum

Í tíðarskeiðnum 11.30 til 13 í dag verður ein partur av Landavegnum, frá Geitagerði út til Marknagilsvegin, stongdur fyri allari ferðslu, undantikið íbúgvar í økinum.

Orsøkin er, at upptøkur til krimisendirøðina Trom verða gjørdar, skrivar Tórshavnar kommuna á heimasíðuna.

Leið 2 og 6 til Norðasta Horn koyra í hesum tíðarskeiðnum eftir Hans Andriasar gøtu til Marknagilsvegin, og leið 2 og leið 6 koyra heim aftur í býin eftir Velbastaðvegnum og víðari eftir ferðaætlanini.