Trump: Khamenei er deyður

Ali Khamenei ayatollah, ovasti leiðarin í Iran, er deyður.

Tað sigur amerikanski forsetin, Donald Trump, eftir at ísraelskir miðlar hava borið tíðindini um, at ísraelski forsætisráðharrin, Benjamin Netanyahu sigur seg hava sæð myndir av deyða iranska leiðaranum.

– Khamenei, ein av óndastu persónunum í søguni, er deyður, skrivar Trump á sín egna sosiala miðli, Truth Social.

Hann sigur einki um, hvar hann hevur hesar upplýsingar frá.

Sambært Ritzau hevur Iran ikki váttað tíðindini.

Ísrael og USA fóru í morgun undir umfatandi álop á Iran.