Trý mál um rúsevni

Hetta vikuskiftið hevur Voxbotn verið í Havn, og í hesum sambandi vóru aftur nógv fólk í býnum í nátt, men sum heild hevur verið friðarligt, sigur løgreglan.

Løgreglan hevur verið til staðar í náttarlívinum, men samarittarnir hava eisini verið óførir, sigur vaktleiðarin á løgreglustøðini í Havn.

Løgreglan hevur skrásett trý mál um rúsevni. Talan er um millum 0,5 og trý gram av hashi, so hetta verður revsað við bót.

Eisini hevur løgreglan havt tveir sovandi gestir á støðini í nátt, men tað hevur ikki verið í sambandi við nakað mál.