Trý til fýra sigast upp á Umhvørvisstovuni

Játtanin til Umhvørvisstovuna verður á fíggjarlógini fyri 2027 lækkað við fýra milliónum, og sambært Kringvarpinum ljóðar, at trý til fýra fólk skulu sigast úr starvi.

Hetta vil Sigurð í Jákupsstovu, stjóri á Umhvørvisstovuni, tó ikki vátta fyri Kringvarpinum.

Men tað er ikki nógva aðrastaðni, at stovnurin kann tillaga raksturin.

- Sparingarnar fara at merkjast á stovninum og arbeitt verður við hesum, og tosað verður við teir, sum kunnu vera raktir, sigur stjórin.

Hvat øki á stovninum verður rakt, vil Sigurð í Jákupsstovu ikki siga nakað um.