Tvær bøtur fyri brot á skilhaldsreglurnar

Seinasta samdøgrið hevur sum heild verið rættiliga friðarligt hjá løgregluni, tó hevur hon havt tríggjar sovandi gestir á støðini, upplýsir vaktleiðarin á løgreglustøðini í Havn.

Ein persónur varð handtikin seint seinnapartin í gjár fyri at vera ólátaður í einum grannalagi í høvuðsstaðnum, og fyri tað fær hann eina bót fyri brot á skilhaldsreglurnar.

Í nátt vórðu so tveir persónar afturat tiknir við á løgreglustøðina at sova rúsin av sær.

Ein varð tikin fyri at vísa harðligan atburð, og eisini hann fær eina skuldseting fyri brot á skilhaldsreglurnar. Hin persónurin hevði fingið so nógv niðurum, at hann kláraði ikki seg sjálvan, og tí slapp hann at sova rúsin av sær á løgreglustøðini.