Tvær fráboðanir um grind í gjár

Í gjár varð tvær ferðir boðað frá grind - ein fráboðan kom úr Hvannasundi og ein úr Trongisvági.

Í Trongisvágsfirði var tó ikki talan um grind kortini, men tað var tað í Hvannasundi, og har varð ein lítil grind hildin til, upplýsir vaktleiðarin á løgreglustøðini í Havn.

Sambært Norðlýsinum løgdu 22 hvalir beinini í Hvannasundi í gjárkvøldið, og seðlarnir komu út í morgun.