Tvær fráboðanir um stuldur á røktarheimi í gjár

Seinnapartin í gjár fekk løgreglan tvær fráboðanir um, at onkur hevði stolið sprittdunkar frá einum røktarheimi í høvuðsstaðnum.

Talan er um spritt, sum hongur inni á vesunum at spritta hendurnar við.

Ein maður er skuldsettur í tí eina málinum, meðan ógreitt er, um samband er millum málini. Tað verður kannað nærri, sigur vaktleiðarin á løgreglustøðini í Havn.