Tvær vindfráboðanir í høvuðsstaðarøkinum

Hóast rættiliga fitt av vindi var í gjár, so eru ikki komnar fráboðanir um álvarsligar skaðar orsaka av veðrinum.

Vaktleiðarin á løgreglustøðini upplýsir, at tey høvdu fyrireika seg upp á at fáa nógvar fráboðanir, men so var ikki. Nakrar fáar komu, allar úr høvuðsstaðarøkinum.

Á Norðrasta Horni varð boðað frá at onkur takpláta var loysnað, og í Hoyvík óttaðust fólk fyri, at tilfar á einum byggiplássi skuldi fara á flog.