Tveir bilførarar skuldsettir

Í gjár vórðu tveir bilførarar skuldsettir fyri brot á ferðslulógina.

Ein bilførari varð skuldsettur fyri ikki at halda neyðugu frástøðuna í sambandi við eitt ferðsluóhapp í miðbýnum í Havn.

Tað var við krossvegin, har Jóannessar Paturssonar gøta og Fríðriks Petersens gøta møtast, at ein bilur rendi í afturpartin á einum øðrum.

Eingin skaði stóðst av óhappinum, sigur vaktleiðarin á løgreglustøðini í Havn.

Ein annar bilførari varð tikin fyri at koyra uttan koyrikort í Saltangará. Hann er sostatt skuldsettur fyri at koyra uttan førararætt.