Tveir mánaðir uttan nýggjan tilburð

Í løtuni er framvegis eingin føroyingur smittaður við koronasmittuni, upplýsir Landslæknin.

Sostatt eru nú tveir mánaðir síðani seinastu tilburðirnir vórðu staðfestir í Føroyum 22. apríl.

Sambært Heilsumálaráðnum eru nú 12.066 kanningar gjørdar, og eingin hevur fingið staðfest smittu í teimum seinastu 5.669 kanningunum.

Fyrsti tilburðurin varð staðfestur 3. mars, og seinasti koronasjúklingurin varð staðfestur frískur 8. mai. Tilsamans hava 187 føroyingar fingið staðfest koronasmittuna.