Tveir nýggir kommunulæknar settir í Heilsumiðstøðini í Runavík

Frá 1. oktober verða tveir nýggir kommunulæknar í viðtalu 5 í Heilsumiðstøðini í Runavík.

Tað eru Brynhild Hanusardóttir Reinert, og Katrina Clementsen, sum fara at deila starvið í viðtalu 5, skrivar Runavíkar kommuna.

Brynhild Hanusardóttir Reinert tók embætisprógv í læknafrøði í 2017 og fekk serlæknagóðkenning í almennum medisini í vár. Katrina Clementsen tók embætisprógv í læknafrøði í 2016 og væntar at fáa serlæknagóðkenning í almennum medisini í august í ár.

Umleið 7.300 fólk búgva í Heilsuøki 2, sum fevnir um Nes, Sjóvar og Runavíkar kommunur, og nýggju kommunulæknarnir í viðtalu 5 eru eitt týðandi stig í at betra heilsutænastuna í økinum, skrivar kommunan.