Tveir tiknir fyri rúsdrekkakoyring á Viðareiði

Hetta vikuskiftið hevur løgreglan gjørt nógv burturúr at kanna ferðsluna kring landið, og í hesum sambandi vórðu tveir bilførarar tiknir fyri rúsdrekkakoyring á Viðareiði.

Fyrri bilførarin varð tikin klokkan fýra leygarnáttina, og tann seinni varð tikin sunnudag fyrrapart beint fyri klokkan 11.

Blóðroynd er tikin, og bíðað verður nú eftir úrslitinum.