Tvey fólk flutt á Landssjúkrahúsið eftir ferðsluóhapp

Løgreglan fekk stutt fyri hálvgum sjey fráboðan um eitt ferðsluóhapp í Søldarfirði.

Talan er um eitt óhapp við bara einum bili, soloóhapp, og tvey fólk eru koyrdi á Landssjúkrahúsið til kanningar, greiðir vakthavandi á løgreglustøðini frá.

Í løtuni er eitt sindur ógreitt hvat er hent, men óhappið hendi á landsvegnum við omankoyringina til Niðara veg, beint norðanfyri gamla skúlan.

Vakthavandi á løgreglustøðini veit í løtuni ikki at siga hvør støðan hjá teimum báðum fólkunum er.

Vegurin hevur verið stongdur, men arbeitt verður nú við at rudda vegin so ferðslan kann koyra aftur.