Tvey harðskapsmál í Havn

Í nátt hevur løgreglan skrásett tvey harðskapsmál í høvuðsstaðnum.

Fyrra fráboðanin um harðskap kom klokkan hálvgum fýra, har ein boðaði frá, at hann var sligin í høvdið.

Løgreglan veit, hvør hevur framt harðskapin og hevur verið í sambandi við viðkomandi, sigur vaktleiðarin á løgreglustøðini í Havn.

Seinna fráboðanin kom klokkan fimm. Her var eisini talan um onkran, sum var sligin, og eisini í hesum førinum veit løgreglan, hvør hevur framt harðskapin.

Vaktleiðarin leggur afturat, at eingin fekk stóran skaða.