Tykist vera stórur meiriluti fyri at banna sosialar miðlar til børn og ung undir 15 ár

Í Avstralia er bann sett á sosialar miðlar fyri børn og ung undir 15 ár, og í Danmark setur stjórnin sjóneykuna á hetta. Mette Frederiksen staðfesti í setanarrøðu herfyri, at greiða málið er at gera tað sama.

Orsøkin er, at árinini av nógvar slíkari nýtslu tíðliga í lívinum kunnu vera so stór, og at ymiskar vandar eru tilknýttir.

Betri Trygging vísir, útfrá fleiri kanningum á, at børn og ung hava verri sjálvsvirði – tey sova illa – stríðast við 'fomo' og ’snildfon-nakkar’ – tey gerast minni empatisk – og tey fáa eyðkenni, ið minna um viðføtt ADHD.

Hetta er í samband við skíggjaátak, SkíggjaSunn. 

Og í hesum sambandi hevur BetriTrygging sett ein einfaldan spurning á sínari Facebook-síðu:

Eiga vit at banna sosialar miðlar til børn og ung í Føroyum?

Í skrivandi stund hava 87 prosent av teimum líka yvir 1.000, sum hava svarað, sagt ja.

11 prosent siga nei.

Talan er ikki um nakra uppsetta spurnarkanning, men ein spurning beint á úti á sosialu miðlunum.

Svarini geva tó eina ábending um, hvat føroyingar halda. Til tildømis eina veljarakanning í Føroyum verða 500 fólk spurd.

Tað er longu aldursmark á ymiskum sosialum miðlun, so sum Facebook, men ofta verður hetta ikki hildið. Ymsastaðni verður hugt meira gjøll eftir, um tað skal bannast við lóg.