Umfatandi drekkivatnsdálking í Tórshavnar kommunu

Í gjár boðaði Tórshavnar kommuna frá umfatandi dálking av drekkivatninum í høvuðsstaðarkommununi.

Vatngoymslan í Havnardali, sum fyrr varð rakt av av dálking er aftur nú dálkað.

Kommunan skrivar á heimasíðuni, at bakteriur eru staðfestar í Havnardali, men eisini í kommunalu vatnveitingini í Nólsoy, á Velbastað og í Kaldbak.

Fólk, sum fáa vatn frá dálkaðum vatngoymslum, verða biðin um at kóka drekkivatnið.

Kókitilmælið stendur við, til nærri boð verða givin, skrivar kommunan. Vatnroyndir verða tiknar aftur í dag, og úrslitini fyriliggja væntandi í morgin, fríggjadagin.

Á hesi síðuni ber til at síggja hvussu støðan er við drekkivatninum í Tórshavnar kommunu. Her er eisini kort yvir teir býarpartar, ið eru raktir. 

(Tekstur broyttur kl. 1107 - tað er ikki í Kollafirði, men Kaldbak, at vatnið er dálkað)

Drekkivatnsgoymslan í Havnardali (Mynd: Google)