Umleið 50 nummarplátur kliptar í nátt

Bilaeigarar, sum ikki enn hava goldið vegskatt hóast fleiri rykkjarar frá Aktstovuni, skulu ansa eftir, um nummarpláturnar enn eru á bilinum, um teir ætla sær út at koyra í dag.

Løgreglan hevur í nátti verið úti og klipt nummarspjøldrini av minst 50 bilum í Havn, upplýsir vakthavandi á politistøðini.

Talan er sum sagt um akfør, sum enn ikki hava goldið vegskattin, sum skuldi verið goldin í januar mánaði í ár.

Akstovan boðaði í gjár frá, at hon hevði sent politistøðunum kring landið 483 mál um vegskattaeftirstøður. Boðini ljóða at taka nummarspjøldrini av hesum bilum, um eigararnir ikki kundu vísa kvittan fyri, at eftirstøðan er goldin.